Үйл ажиллагааны чиглэл: 

Барилга архитектур корпорацийн Бүтээгдэхүүн баталгаажуулалтын алба Монгол улсын барилгын салбарын анхны баталгаажуулалтын байгууллага бөгөөд Стандартчилал, хэмжил зүйн газар, Үндэсний итгэмжлэлийн төвөөс 8 дахь удаагаа итгэмжлэгдэн үйл ажиллагаа явуулж байна.

Бүтээгдэхүүн баталгаажуулалтын алба нь “Стандартчилал, техникийн зохицуулалт, тохирлын үнэлгээний итгэмжлэлийн тухай, “Барилгын тухай” хууль, бусад холбогдох хууль, дүрэм, журам, баталгаажуулалтын схемийн дагуу дотоодын барилгын материалын үйлдвэрлэлийн болон импортын барилгын материал бүтээгдэхүүний баталгаажуулалтын үйл ажиллагааг 1997 оноос тасралтгүй   хэрэгжүүлэн ажиллаж байна.

Баталгаажуулалтын албанаас жилд дундажаар барьцалдуулагч материал, керамик, бетон, дүүргэгч материал, дулаан тусгаарлах, өнгөлгөө заслын болон төмөр бетон бүтээц, ган туйван, эрдэс түүхий эд болон бусад 10 гаруй нэр төрлийн 100 гаруй нэрийн бүтээгдэхүүнд Тохирлын гэрчилгээ олгож байна.

Үндсэн зорилго:

• Барилгын материал бүтээгдэхүүний  аюулгүй байдлыг хангах, өрсөлдөх чадварыг нэмэгдүүлэх, хэрэглэгчийн эрх ашгийг хамгаалах;
• Монгол улсын Засгийн газрын 2018 оны 291 дүгээр тогтоолоор баталсан “Тохирлын баталгаанд заавал хамруулах бүтээгдэхүүн, үйчилгээний жагсаалт”-д заасан  бүтээгдэхүүнд тохирлын үнэлгээ баталгаажуулалт явуулж Тохирлын гэрчилгээ олгох;
• Баталгаажуулалтын үйл ажиллагааг схемийн дагуу явуулж олон улсын жишигт нийцүүлэн хөгжүүлэх;

Үйл ажиллагааны хамрах хүрээ

• Дотоодын барилгын материал үйлдвэрлэгчийн бүтээгдэхүүнд тохирлын үнэлгээ баталгаажуулалт
• Импортын барилгын материал, бүтээгдэхүүний баталгаажуулалт
• Барилгын материалын үйлдвэрлэлийн дотоод хяналт, бүтээгдэхүүний чанарын тогтвортой байдлыг хангах ажиллагаанд үнэлгээ дүгнэлт гаргах
• Бүтээгдэхүүн үйлдвэрлэлийн технологийн тогтвортой байдалд үнэлэлт дүгнэлт гаргах;
• Баталгаажуулалтад хамрагдсан бүтээгдэхүүний чанарын тогтвортой байдалд магадлан үнэлгээ хийх;

Тохирлын үнэлгээ баталгаажуулалтад хамрагдсанаар:

• Бүтээгдэхүүний нэр хүнд өснө
• Бүтээгдэхүүний зах зээлд өрсөлдөх чадвар өсч улмаар үйлдвэрлэлийн үр ашиг нэмэгдэнэ
• Бүтээгдэхүүнд итгэх хэрэглэгч, үйлчлүүлэгчийн итгэлийг нэмэгдүүлж зөв сонголт хийхэд туслах зорилготой.

Баталгаажуулалтын байгууллагад хандсанаар: 

1. Тохирлын үнэлгээ баталгаажуулалтын үйл ажиллагаа явуулахтай холбогдолтой хууль дүрэм, журам, стандарт, баталгаажуулалтын схем, шалгуур үзүүлэлт, норматив техникийн баримт бичгийн талаар мэдээлэл авах;
2. Тохирлын баталгаатай барилгын материал бүтээгдэхүүний мэдээлэл, үйлдвэрлэгч, импортлогчийн нэр, хаяг, холбоо барих утас;
3. Шинэ дэвшилтэт, үр ашигтай бүтээгдэхүүний талаарх мэдээлэл түүний үйлдвэрлэлийн технологийн баримт бичиг боловсрулахад зөвлөх үйлчилгээ авах боломжтой.

Бүтээгдэхүүн баталгаажуулалтын тогтолцоо

Амжилт ололтын хуудас:

Монгол улсын Стандартчилал, хэмжил зүйн газрыг РАС-Номхон далайн итгэмжлэлийн хамтын ажиллагааны байгууллага-ын харилцан хүлээн зөвшөөрөх хэлэлцээр-т нэгдэн ороход итгэмжлэлийн үйл ажиллагааг олон улсын жишигт нийцсэнийг шалгаж нотлох зорилгоор Итгэмжлэлийн газарт 2016 оны 08 дугаар сард явуулсан үнэлгээнд Барилга архитектур корпорацийн Бүтээгдэхүүн баталгаажуулалтын алба бүтээгдэхүүний баталгаажуулалтыг хэрэгжүүлж буй чиглэлээрээ РАС-ыг төлөөлсөн Олон улсын экспертийн багийн  үнэлгээнд амжилттай хамрагдсан. Үнэлгээнд амжилттай хамрагдсанаар үндэсний итгэмжлэгдсэн тохирлын үнэлгээний байгууллагуудын чадавхи зохих түвшинд хүрч, олон улсын хэмжээнд хүлээн зөвшөөрөгдөх түвшинд хүрсэнийг илтгэн харууллаа. 

СХЗГазраас Номхон далайн итгэмжлэлийн хамтын ажиллагааны байгууллага (РАС)-ын олон талт хэлэлцээр (MLA)-ын ижил түвшний үнэлгээнд бүтээгдэхүүн баталгаажуулалтын чиглэлээр амжилттай хамтарч оролцсонд талархаж манай байгууллагад талархал хүртээсэн.

Нэг.     Өргөдөл хүсэлт гаргах загвар

Бүтээгдэхүүний тохирлын үнэлгээ баталгаажуулалтад хамрагдах тухай өргөдөл, хүсэлт

                                                      ..........................................................................................................-д

                                                                                (баталгаажуулалтын  байгууллагын нэр)

   Хаяг:

  Хүсэлт гаргагчийн талаарх мэдээлэл

Баталгаажуулалтад хамрагдах бүтээгдэхүүний талаарх мэдээлэл

Мэдэгдэл:       

Бид өргөдөл гаргахтай холбогдон гарах зардлыг бүрэн хариуцна.

Баталгаажуулалтад тавих шаардлагыг мөрдөнө.

Бүтээгдэхүүний үнэлгээ баталгаажуулалтад хэрэгцээтэй аливаа мэдээллээр  хангана.

Үнэлгээ явуулахад зориулж хэрэгцээтэй баримт бичиг, дотоодын хяналттай  холбоотой бүртгэлийг бэлтгэнэ.

Анхдагч үнэлгээний болон сорилтын үр дүн эерэг гарсан тохиолдолд тогтоосон хугацааны дотор дээр дурьдсан бүтээгдэхүүний баталгаажуулалттай  холбогдсон гэрээ байгуулна.

Хүсэлт гаргасан огноо:  

Хүсэлт гаргагчийн нэрийн өмнөөс гарын үсэг зурах эрх бүхий ажилтаны нэр, албан тушаал ...................................................................................................                

Гарын үсэг ............................................         

Тамга  

Хоёр. Өргөдөл хүсэлтийн хамт ирүүлэх баримт бичгийн жагсаалт

Барилгын материал, бүтээгдэхүүнийг тохирлын үнэлгээ баталгаажуулалтад хамруулахад бүрдүүлэх баримт бичгийн жагсаалт

• Бүтээгдэхүүнээ тохирлын баталгаажуулалтад хамруулахыг хүссэн өргөдөлийг баталгаажуулалтын байгууллагаас гаргасан маягтын дагуу гаргана. (баталгаажуулалтын байгууллагаас бүтээгдэхүүний баталгаажуулалтад тавигдах шаардлага, тохирлын үнэлгээ баталгаажуулалт явуулах журам-ын танилцуулагыг өгнө)
• Бүтээгдэхүүнээ тохирлын баталгаажуулалтад хамруулахыг хүссэн албан тоот; 
• Байгууллагын танилцуулга; танилцуулга-д
• Үйл ажиллагааны чиглэл, үйлдвэрлэлийн технологи ажиллагаа
• Жилд үйлдвэрлэх бүтээгдэхүүний хэмжээ, хүчин чадал
• Тоног төхөөрөмжийн байдал, хүчин чадал /хүснэгтээр/
• Мэргэжилтэй ажилтан, хүний нөөц /хүснэгтээр/
• Дотоодын чанарын хяналт, лабораторийн үйл ажиллагаа, сорилт туршилтын үр дүн, бүтээгдэхүүний чанарын гэрчилгээний загвар
• Албан ёсны хаяг
• Аж ахуйн нэгжийн гэрчилгээ  (хуулбарыг хавсаргана)

• Төрийн хяналтын байгууллагын дүгнэлт, зөвшөөрөл

• Үйлдвэрлэлийн тоног төхөөрөмжийн аюулгүй ажиллагааны гэрчилгээ, бусад

• Итгэмжлэгдсэн лабораторийн сорилтын үр дүн

• Хэрэглэж буй түүхий эд, материалын сорилт шинжилгээний үр дүн
• Үйлдвэрлэж буй бүтээгдэхүүний сорилт, туршилтын үр дүн

• Технологийн заавар

• Бүтээгдэхүүн үйлдвэрлэх Технологийн зааврыг (Барилгын материал,хийц бүтээц, эдлэхүүний үйлдвэрлэлийн технологийн заавар боловсруулах,   батлах,  бүртгэх журам-ын дагуу) боловсруулж зохих журмын дагуу бүртгүүлэн 1%-ийг ирүүлнэ.

• Ашигт малтмал ашиглах тусгай зөвшөөрөл, бусад
• Үйлдвэрлэлийн болон лабораторийн хэмжих хэрэгсллийн баталгаажуулалтын гэрчилгээний хуулбар

Холбогдох лавлагааг  70131515, 11341536  утсаар холбогдож авна уу.

Барилга архитектур корпораци Бүтээгдэхүүн баталгаажуулалтын алба